راولپنڈی: (دنیا نیوز) پاکستان تحریک انصاف کی سینیٹر مشال یوسفزئی نے کہا ہے کہ تمام قانونی راستے اختیار کرنے کے باوجود ہماری شنوائی نہیں ہو رہی۔
دھرنے کے مقام سے واپس روانگی پر میڈیا سے گفتگو کرتے ہوئے سینیٹر مشال یوسفزئی کا کہنا تھا کہ ہم یہاں ساری رات دھرنے میں رہے، ہمارا دھرنا آئین اور قانون کے مطابق تھا، ہمیں بانی پی ٹی آئی اور بشریٰ بی بی کی خیریت سے متعلق کچھ نہیں بتایا جا رہا، اسلام آباد ہائی کورٹ کے پاس جارہے ہیں۔
انہوں نے کہا کہ چیف جسٹس کو بتائیں گے کہ قانون کی دھجیاں کس طرح اُڑائی جا رہی ہیں۔
واضح رہے کہ بانی پی ٹی آئی عمران خان سے ملاقات نہ کرانے کے خلاف وزیر اعلیٰ خیبر پختونخوا سہیل آفریدی نے راولپنڈی کے گورکھ پور ناکے پر دیا تھا، آج صبح دھرنا ختم ہونے کے بعد وزیراعلیٰ سہیل آفریدی گورکھپور سے اسلام آباد روانہ ہوگئے۔
