کراچی: (دنیا نیوز) شہر قائد میں روڈ حادثات میں انسانی جانوں کے ضیاع کا سلسلہ تھم نہ سکا، جہاں تیز رفتار کار نے ایک اور شہری کی جان لے لی۔
ریسکیو ذرائع کے مطابق حسن سکوائر کے قریب کار نے موٹر سائیکل کو ٹکر دے ماری، حادثے میں موٹر سائیکل سوار ایک شخص جاں بحق جبکہ ایک زخمی ہو گیا۔
جاں بحق شخص کی لاش اور زخمی شہری کو عباسی شہید ہسپتال منتقل کر دیا گیا، جاں بحق ہونے والے کی شناخت 25 سالہ حسین اور زخمی کی 19 سالہ نعمان کے نام سے کی گئی۔
