اسلام آباد: (دنیا نیوز) شدید دھند کے باعث حدِ نگاہ کم ہونے سے موٹرویز کو مختلف مقامات سے ٹریفک کیلئے بند کر دیا گیا۔
دھند کے باعث لاہور سے ہرن مینار تک ایم 2 پر گاڑیوں کا داخلہ بند کر دیا گیا، ایم 3 کو بھی فیض پور سے جڑانوالہ تک دھند کے باعث بند کر دیا گیا ہے۔
ایم 4 خانیوال سے ملتان اور فیصل آباد سے عبدالحکیم تک ٹریفک کیلئے بند کر دی گئی، اس کے علاوہ لاہور سیالکوٹ موٹروے ایم 11 کو بھی دھند کے باعث بند کر دیا گیا ہے۔
ترجمان موٹروے پولیس کا کہنا ہے موٹرویز کی بندش کا مقصد عوام کے جان و مال کا تحفظ ہے، شہری دن کے اوقات میں سفر کو ترجیح دیں اور غیر ضروری سفر سے اجتناب کریں۔
