فنڈز کی منظوری صوبائی ترقیاتی ورکنگ پارٹی کے 59 ویں اجلاس میں دی گئی، اجلاس کی صدارت چیئرمین پلاننگ اینڈ ڈویلپمنٹ بورڈ ڈاکٹر نعیم رؤف نے کی۔

پنجاب انسٹیٹیوٹ آف مینٹل ہیلتھ، لاہور کے پرانے بلاکس کی بحالی کے لیے 2 ارب 50 ، الائیڈ ہسپتال، فیصل آباد کے لیے لینیئر ایکسیلیریٹر کی خریداری کے لیے 1 ارب روپے کی منظوری دی گئی۔

ڈیفنس ڈچز کو پانی کی فراہمی کے لیے ڈسٹری بیوٹریز اور مائنرز کی استعداد میں اضافے اور توسیع کے لیے 1 ارب 50 کروڑ روپے منظور کئے گئے۔

اجلاس میں اہم نہروں کی لائننگ کے ذریعے کینال کنوینس اور آپریشنل کارکردگی بہتر بنانے کے لیے 6 ارب روپے کی منظوری دی گئی۔

ہائر ایجوکیشن ڈیپارٹمنٹ (HED) سیکرٹریٹ کی استعداد میں اضافے اور کالجز کے لیے ERP سسٹم کی فراہمی کے لیے پوزیشن پیپر کی منظوری بھی دی گئی۔

لوکل گورنمنٹ کے دو ملازمین کو انسینٹو الاؤنس دینے کے لیے پوزیشن پیپر کی منظوری دی گئی۔

اجلاس میں سیکرٹری پلاننگ اینڈ ڈویلپمنٹ بورڈ رفاقت علی نے شرکت کی، ممبران پی اینڈ ڈی بورڈ اور متعلقہ محکموں کے افسران بھی اجلاس میں شریک ہوئے۔