بیونس آئرس: (دنیا نیوز) بیونس آئرس میں یوتھ اولمپکس گیمز کا آغاز ہوگیا، پہلے روز شوٹر اور سائیکلسٹ نے زبردست کامیابیاں سمیٹیں، شمشیر زنی کے بھی زبردست مقابلے ہوئے۔
یوتھ اولمپکس گیمز میں زبردست مقابلے جاری، کھلاڑیوں نے نشانہ بازی اور سائیکلنگ کے مشکل ٹریک پر زبردست مہارتیں دکھائیں۔ روسی ایتھلیٹس نے شوٹنگ اور پھر سائیکلنگ میں سونے کے تمغے جیت لیے۔ ٹرائی تھیلون میں بھی کھلاڑی اِن ایکشن نظر آئے جس میں جنوبی افریقی کھلاڑی نے بازی مار لی۔ویمن شمشیر زنی میں جاپانی فائٹر نے کامیابی سمیٹی اور مردوں کا ایونٹ بھی شاندار رہا۔
