پیرس: (دنیا نیوز) سٹار فٹبالرز نے رولر کوسٹر اور جھولوں سے انجوائے کیا، مکی ماؤس اور بچوں کیساتھ تصاویر بھی بنوائیں۔
فرانس کی ورلڈکپ جیتنے والی ٹیم کے کھلاڑی ابھی تک سیر و تفریح میں مصروف ہیں۔ گزشتہ روز پال پوگبا، کیلیان مباپے، انٹونی گریز مین اور اوسمانے ڈیمبلے پیرس ڈزنی لینڈ پہنچ گئے۔ جہاں انہوں نے رولر کوسٹر سمیت دیگر جھولوں اور گیمز سے انجوائے کیا۔ پارک میں آئے ہوئے بچے فٹبال سٹارز کو اپنے درمیان پا کر خاصے پرجوش نظر آئے اور ان کیساتھ تصاویر اور سیلفیاں بناتے رہے۔ پال پوگبا نے تصاویر سوشل میڈیا پر شیئر کردیں جن میں سے ایک تصویر میں چاروں کھلاڑی مکی ماؤس کے ساتھ کھڑے ہیں۔
