فٹبال پریمئر لیگ میں آرسنل نے وٹفورڈ کو ہرا کر پوائنٹ ٹیبل پر چوتھی پوزیشن سنبھال لی، ابامیانگ کا واحد گول فیصلہ کن ثابت ہوا، کامیابی کی خوشی میں سٹائلش جمپ نے سب کے دل جیت لیے۔
باکسنگ ڈے پر فٹبال کا اعصاب شکن مقابلہ ہوا، پریمئر لیگ کی ٹیمیں آرسنل اور وٹفورڈ آمنے سامنے ہوئیں تو کھیل کا آغاز جارحانہ انداز میں ہوا۔ بین فوسٹر کے لیے سرخ جھنڈی، ریڈکارڈ سے آؤٹ ہونے کا ٹیم وٹفورڈ کو نقصان اٹھانا پڑا۔ پہلے دس منٹ میں وٹفورڈ کو گول ہو گیا، ابامیانگ کا گول اور پھر قلابازی کا سٹائل زبردست رہا۔
آرسنل کی ایک صفر کی برتری پہلے اور پھر دوسرے ہاف کے اختتام تک برقرار رہی، سر توڑ کوششوں کے باوجود مزید گول نہ ہو سکا۔ ایک صفر کی جیت سے آرسنل نے چوتھے نمبر پر قبضہ جما لیا، چھیاسٹھ ہی پوائنٹ کے ساتھ چیلسی کو پانچویں نمبر پر جانا پڑا۔ مانچسٹر یونائیٹڈ چونسٹھ پوائنٹس کے ساتھ چھٹے نمبر کی ٹیم بن گئی۔
