لندن(دنیا نیوز )انگلش فٹبال لیگ (ای ایف ایل) کپ میں میچز کا سلسلہ جاری ہے جبکہ ایونٹ کے دوران چیلسی اور ویسٹ ہیم نے اپنے اپنے میچز جیت لیے ہیں۔
غیر ملکی میڈیا کے مطابق ای ایف ایل کاراباؤ کپ میں چیلسی اور آسٹن ولا کے مابین میچ کھیلا گیا جس میں شائقین کی جانب سے خوب جوش و خروش کا مظاہرہ بھی کیا گیا ۔
دونوں ٹیموں کے مابین سنسنی خیز مقابلہ دیکھنے کو ملا جس میں آخری لمحوں تک میچ ایک،ایک گول سے برابر رہا ،میچ کا فیصلہ پنلٹی ککس پر ہوا جس میں چیلسی نے آسٹن ولا کو چار،تین سے شکست دی۔
ٹورنامنٹ کے ایک اور میچ میں مینوئل لانزینی کے گول کی بدولت ویسٹ ہیم یونائیٹڈ نے مانچسٹر یونائیٹڈ کو مات دی۔
