گوجرانوالہ: (دنیا نیوز) گوجرانوالہ میں طمانچہ دار کبڈی کے مقابلوں نے رنگ جما دیا، مقابلوں میں پاکستان کبڈی ٹیم کے نامور کھلاڑیوں نے بھی حصہ لیا، شائقین ان مقابلوں سے خوب محظوظ ہوتے رہے۔
جناح اسٹیڈیم گوجرانوالہ میں طمانچہ دار کبڈی کے مقابلوں میں قومی کبڈی ٹیم کے کپتان مانا جٹ، ملک بنیا مین ،مشرف جاوید سمیت دیگر کھلاڑیوں نے حصہ لیا۔
کھلاڑیوں نے شاندار کھیل کا مظاہرہ کر کے شائقین سے خوب داد سمیٹی، کھیل کے دوران کھلاڑیوں نے خوب زور آزمائی کی اور اپنے مدمقابل پر خوب طمانچے بھی برسائے۔
اس موقع پر کھلاڑیوں کا کہنا تھا کہ نوجوانوں کو نشے جیسی برائی سے محفوظ رکھنے کیلئے صحت مند سرگرمیوں کا فروغ انتہائی ضروری ہے۔
