ریاض: ( ویب ڈیسک ) دنیا کے معروف فٹبالر اور پرتگال فٹبال ٹیم کے کھلاڑی کرسٹیانو رونالڈو نے سعودی عرب کے فٹبال کلب النصر کے ساتھ دو سال کا معاہدہ کرلیا۔
سعودی سرکاری میڈیا کے مطابق پرتگال کے سپر سٹار کرسٹیانو رونالڈو نے مبینہ طور پر سعودی عرب کے کلب النصر کے ساتھ دو سالہ معاہدے پر دستخط کر لئے ہیں۔
#DEVELOPING: Cristiano #Ronaldo reportedly signs for Saudi club @AlNassrFC https://t.co/N8cxq1af00
— Arab News | Sport (@ArabNewsSport) December 30, 2022
دوسری جانب بعض میڈیا رپورٹس میں دعویٰ کیا جا رہا ہے کہ سعودی کلب النصر رونالڈو کو ہر سال ساڑھے 7 کروڑ ڈالر دے گا۔
رپورٹس کے مطابق کرسٹیانو رونالڈو اس سے قبل مانچسٹر یونائیٹڈ کی طرف سے کھیلا کرتے تھے ، تاہم قطر میں ہونے والی فیفا ورلڈ کپ سے چند دن پہلے ہی انہوں نے مانچسٹر یونائیٹڈ کے ساتھ اپنا پرانا تعلق ختم کر لیا تھا۔
