کراچی: (دنیا نیوز) شہر قائد میں جزیرہ منوڑا کے قریب پہلی کمانڈر کراچی اوپن سیلنگ چمپئین شپ کا انعقاد ہوا جو عوام کے لئے تفریح کا ذریعہ بن گیا۔
سرد موسم اور ٹھنڈی ہوا کے دوران سمندر میں سیلنگ مقابلوں کا شاندار انعقاد ہوا، اوپن سیلنگ چمپئین شپ میں نا صرف سیلرز پر جوش نظر آئے بلکہ شہریوں نے بھی ساحل پر کھڑے ہوکر ایونٹ کو خوب انجوائے کیا۔
چمپئین شپ میں 470 کلاس، لیزر سٹینڈرڈ اور ونڈ سرفنگ آر ایس ایکس کے مقابلے ہوئے، رنگ برنگی سیلنگ بوٹس کو دیکھ کر ساحل پر کھڑے شہریوں نے خوب لطف اٹھایا۔
اوپن سیلنگ چمپئین شپ میں لیزر کیٹگری میں نیوی کے مزمل حسین، ونڈ سرفنگ میں فضائیہ کے عرفان بٹ اور 470 کلاس میں نیوی کے رحمان اللہ اور خالد حسین کامیاب رہے۔
