کراچی : (ویب ڈیسک ) کراچی گیمز میں آج 10 کھیلوں کے مقابلے ہوں گے جن میں ہاکی، سائیکل ریس، آرچری، ملاکھڑا، ریسلنگ، اسنوکر، ٹینس آرم ریسلنگ اور دیگر شامل ہیں۔
اس ایونٹ میں آج 7 نئے کھیلوں کے مقابلے بھی شروع ہوں گے جبکہ یہاں 42 گیمز کے 5 ہزار سے زائد کھلاڑی مقابلوں میں حصہ لے رہے ہیں۔
کراچی گیمز میں کرکٹ، فٹبال اور باسکٹ بال کا گزشتہ روز آغاز ہوا تھا، کراچی گیمز میں شامل 42 کھیلوں میں سے 27 میں خواتین بھی حصہ لے رہی ہیں۔
کراچی گیمز 2023 کے سلسلہ میں آج ہونیوالی سائیکل ریس میں 95 سائیکلسٹس نے ریس میں حصہ لیا ، مزار قائد سے شروع ہونے والی ریس کے شرکاء شاہراہ قائدین،اسٹار گیٹ شاہراہ فیصل سے ہوتے ہوئے گورنر ہاؤس پہنچے گورنر سندھ کامران ٹیسوری نے جیتنے والوں سائیکلسٹس میں انعامات تقسیم کئے۔
واضح رہے کہ بلدیہ کراچی کے تحت کراچی گیمز جمعے سے شروع ہوئے تھے جن کا افتتاح گورنر سندھ کامران ٹیسوری نے کیا تھا۔
