اسلام آباد : ( ویب ڈیسک ) پاکستان ٹین پن باؤلنگ فیڈریشن کے زیر اہتمام قومی ٹین پن باؤلنگ چیمپئن شپ کا آغاز 8 مارچ سے ہوگا، ایونٹ میں ملک بھر سے مرد اور خواتین کھلاڑی حصہ لے رہے ہیں جبکہ چیمپئن شپ کے ڈراز کا اعلان کل ( منگل ) کو ہو گا۔
قومی ٹین پن باؤلنگ چیمپئن شپ کے صدر اعجاز الرحمان نے بتایا کہ چیمپئن شپ کی تیاریاں جوش و خروش سے جاری ہیں، ایونٹ کے افتتاحی روز 8 مارچ کو خواتین کا عالمی دن ہے اس مناسبت سے افتتاحی روز خواتین کے مقابلے منعقد ہونگے جس میں سو سے زائد خواتین حصہ لیں گی۔
ایونٹ میں مینز سنگلز، مینز ڈبلز، ٹیم ایونٹ، ایمچور، ڈیف (مینز اینڈ ویمنز ) اور میڈیا کیٹگریز کے مقابلے رکھے گئے ہیں۔
ایونٹ کے سیمی فائنل مقابلے 11 مارچ کو اور فائنل 12 مارچ کو کھیلے جائیں گے جبکہ چیمپئن شپ میں 10 لاکھ روپے کی انعامی رقم رکھی گئی ہے۔
