برسلز: (ویب ڈیسک) مانچسٹر سٹی کے مڈ فیلڈر اور مایہ ناز فٹ بالر کیون ڈی بروئن کو بیلجیم کی فٹ بال ٹیم کانیا کپتان مقرر کر دیا گیا ہے ۔
کیون ڈی بروئن ایڈن ہیزرڈ کی جگہ بیلجیئم کی فٹ بال ٹیم کی قیادت کی ذمہ داریاں نبھائیں گے، ایڈن ہیزرڈ نے گزشتہ سال فٹ بال ورلڈ کپ کے بعد قومی ٹیم سے ریٹائرمنٹ لے لی تھی۔
قومی فیڈریشن آر بی ایف اے نے کیون ڈی بروئن کی کپتانی کی تصدیق کر دی ہے، بحیثیت کپتان کیون ڈی بروئن کی پہلی اسائنمنٹ جمعہ کو سویڈن میں یورو 2024 کوالیفائر میچ ہوگی ۔
@ManCity midfielder @KevinDeBruyne replaces the retired @hazardeden10 as the Belgium national football team captain ©️@realmadrid goalkeeper @thibautcourtois and @Inter striker Romelu Lukaku will deputize him.#PulseSports256 pic.twitter.com/Zj4p2JXV3B
— Pulse Sports Uganda (@PulseSportsUGA) March 21, 2023
کیون ڈی بروئن نے کہا ہے کہ قومی فٹ بال ٹیم کی قیادت میرے لئے ایک قابل فخر لمحہ ہے،میں نے طویل عرصے تک قومی ٹیم کے لئے کھیلا ہے، یہ میرے لیے بہت بڑا اعزاز ہے اور میری پوری کوشش ہوگی کہ میں اس کردار کو بخوبی نبھا سکوں ۔
