پاکستان اور انگلینڈ کی ٹیمیں کینڈی میں مدمقابل ہوں گی، میچ شام ساڑھے 6 بجے پالی کیلے سٹیڈیم میں ہوگا، اگر مگر سے بچنا ہے تو انگلینڈ کو ہرانا ہوگا، انگلینڈ کو شکست دے کر سیمی فائنل کیلئے رسائی آسان ہوگی۔

پوائنٹس ٹیبل پر نظر دوڑائی جائے تو ایک ایک میچز کے بعد قومی ٹیم کا صرف ایک پوائنٹ ہے جبکہ انگلینڈ کے ناصرف 2 پوائنٹس پر بلکہ اس کا رن ریٹ بھی مثبت 2 اعشاریہ 55 ہے۔

قومی ٹیم نے خامیوں کو دور کرنے کیلئے پریکٹس سیشن کیا، کھلاڑیوں نے بیٹنگ، باؤلنگ اور فیلڈنگ کی مشقیں کیں۔

— Pakistan Cricket (@TheRealPCB) February 23, 2026

پاکستانی اوپننگ بیٹر صاحبزادہ فرحان نے کہا کہ ٹیم کا مورال بلند ہے، انگلینڈ کو ٹف ٹائم دیں گے، ہمارے پاس کوالٹی سپنرز ہیں، عثمان طارق اچھی باؤلنگ کرا رہے ہیں۔

یاد رہے کہ پاکستان کا پہلا میچ نیوزی لینڈ کے خلاف بارش کی نذر ہوگیا تھا، جس میں دونوں ٹیموں کو ایک ایک پوانئٹ ملا۔