لاہور:(ویب ڈیسک ) ناسا کی جانب سے خلا میں تجرباتی طور پر ٹماٹر کی فصل اگانے کیلئے اسپین ایکس سے ایک کارگو خلائی جہاز ٹماٹر کے بیج اور دیگر سامان لے کر روانہ ہوگیا۔
تفصیلات کے مطابق اسپیس ایکس کا کارگو خلائی جہاز منگل کو روانہ ہونا تھا لیکن موسمی خرابی کے باعث فلائٹ منسوخ کر دی گئی تھی۔ ناسا کے فلوریڈا میں قائم کینیڈی اسپیس سینٹر سے آج روانہ ہونے والا کارگو خلائی جہاز ٹماٹر کے بیج کے علاوہ بین الاقوامی خلائی اسٹیشن کے خلابازوں کے لیے غذائی سامان بھی لے کر روانہ ہوا ہے۔
ناسا کے مطابق ڈریگن کارگو خلائی جہاز 7,700 پاؤنڈ سے زیادہ تحقیق، ہارڈ ویئر،کچھ سزبوں اور فروٹس کے بیج کے ساتھ دیگر سامان بھی لے کر روانہ ہوا ہے جن میں مسالے دار سبز پھلیاں، کرین بیری ایپل ڈیزرٹس، کدو پائی اور کینڈی کارن شامل ہیں۔
Packed inside the @SpaceX #Dragon space freighter is over 7,700 pounds of cargo including new solar arrays, science experiments, station hardware, and crew supplies. https://t.co/yuOTrYN8CV pic.twitter.com/kDa1S8xvtK
— International Space Station (@Space_Station) November 27, 2022
واضح رہے کہ 29 نومبر اور 3 دسمبر کو طے شدہ خلائی چہل قدمی کے دوران، تیرتی لیبارٹری کے باہر خصوصی سولر پلیٹس نصب کی جائیں گی جو خلائی اسٹیشن کو اضافی بجلی فراہم کریں گے۔
امریکی خلائی ایجنسی کے مطابق، محققین سٹیشن پر ویجی کے نام سے مشہور پودوں کی نشوونما کے یونٹ کی جانچ کر رہے ہیں جہاں مختلف اقسام کی سبزیاں اُگائی ہیں، اور اگلے مرحلے میں ٹماٹر اُگانے پر توجہ مرکوز ہے۔
ناسا کے سائنسدانوں اور تفتیش کاروں کا کہنا ہے کہ ہم ٹماٹروں کی جانچ کر رہے ہیں، اور اس فصل پر خلاء کی روشنی کے اسپیکٹرم کے کیا اثرات ہوں، نیز یہ کہ ٹماٹر کتنے لذیذ اور غذائیت بخش ہوں گے۔
انہوں نے مزید کہا کہ ہم عملے کے رویے کی صحت پر فصلوں کی افزائش، دیکھ بھال اور کھانے کے مجموعی اثر کا بھی جائزہ لے رہے ہیں، یہ سب مستقبل کی خلائی تحقیق کے لیے قیمتی ڈیٹا فراہم کرے گا۔
