کیلیفورنیا: (ویب ڈیسک) معروف میسجنگ ایپ ٹیلی گرام نے بھی واٹس ایپ کے ایک مقبول فیچر ’’ویو ونس‘‘ کو متعارف کروادیا۔
ٹیلی گرام صارفین اب ایسے ویڈیوز اور آڈیو میسجز بھیج سکیں گے جو ایک بار دیکھے یا سنے جانے کے بعد ڈیلیٹ ہو جائیں گے۔
صارفین ویڈیو یا آڈیو میسج ریکارڈ کرنے کے بعد ویو ونس آئیکون پر کلک کریں گے تو پھر اس میسج کو ایک بار دیکھنا ہی ممکن ہوگا، اس کے علاوہ ٹیلی گرام میں وائس اور آڈیو میسج کو ریکارڈ کرنے کے دوران پوز (pause) اور پلے کرنے کا فیچر بھی متعارف کرایا جا رہا ہے۔
اسی طرح ٹیلی گرام صارفین اب یہ بھی دیکھ سکیں گے کہ ون آن ون چیٹس میں کسی فرد نے ان کے میسجز کب دیکھیں، البتہ آپ سیٹنگز میں جا کر اس فیچر کو ٹرن آف کر سکتے ہیں۔
