منسک: (دنیا نیوز) بیلاروس میں قرون وسطیٰ کا میدان جنگ سج گیا، جنگجوؤں نے تلوار کی مہارت دکھائی۔ تیر اندازوں نے تاک تاک کر نشانے لگائے، دیکھنے والوں نے صدیوں پرانے جنگی دورکا لطف اٹھایا۔
زرہ، ڈھال، تلواریں، تیر، لوہے کے ہیلمٹ، یورپی ملک بیلاروس میں قرون وسطیٰ کا میدان جنگ سج گیا۔ جنگجوؤں نے تلواروں کے ساتھ ایک دوسرے پر تابڑتوڑ حملے کیے، آخر کارایک جنگی دستہ دوسرے پر حاوی پڑ گیا۔
تیر اندازوں نے کمال مہارت کی دکھائی، تاک تاک کر نشانے لگائے، گھڑ سواروں نے بھی زوردارحملے کیے۔ شائقین کی بڑی تعداد نے منفرد میلے کا لطف اٹھایا۔
