لاہور: (روزنامہ دنیا) جب بھی آپ کسی کو فون کرتے ہیں اور اس شخص کا نمبر مصروف ہو یا پھر جب آپ کا بیلنس ختم ہو جائے یا رابطہ ممکن نہیں ہو پا رہا ہوتا تو ہمیشہ ایک آواز سنائی دیتی ہے، آپ کا مطلوبہ نمبر مصروف ہے یا پھر رابطہ ممکن نہیں، یا آپ کا بیلنس ناکافی ہے لیکن آخر یہ آواز ہے کس کی۔
میڈیا رپورٹ کے مطابق کئی سالوں سے لوگوں کے ذہنوں میں یہ سوال آتا رہا ہے، تاہم اب وہ خاتون خود سامنے آ گئی ہیں جن کے بارے میں ہر کوئی جاننا چاہتا تھا۔ یہ آواز ایف ایم 105 پر موجود آر جے فرحین ملک کی ہے۔
فرحین نے ایک ویڈیو انٹرویو میں انکشاف کیا کہ لوگ جہاں بھی کال کرتے ہیں چاہے کے الیکٹرک ہو، پی ٹی سی ایل ہو یا پی آئی اے، کال نہ ملنے پر ان کی ہی آواز سنائی دیتی ہے۔
