لندن: (نیٹ نیوز) ڈرائیونگ کرتے ہوئے آپ نے اکثر افراد کو دیکھا ہوگا لیکن گاڑی چلاتے ہوئے شوخیاں مارنا بعض اوقات مہنگا بھی پڑ سکتا ہے۔
سوشل میڈیا پر وائرل ہونے والی ایک ویڈیو میں نظر آنے والے برطانوی منچلے کو سپر کار چلاتے ہوئے ایکشن دکھانا مہنگا پڑ گیا۔ لندن میں ایک نوجوان سپر کار چلاتے ہوئے سٹنٹ پیش کر رہا تھا کہ گاڑی پر قابو نہ رکھ سکا اور یوں اپنی 2 لاکھ 50 ہزار پاؤنڈز کی گاڑی پہلے درخت سے ٹکرا دی اور پھر دیوار میں گھسا دی۔
رپورٹ کے مطابق اس واقعہ میں نوجوان بالکل محفوظ رہا تاہم اس کی سپر کار کا کباڑہ نکل گیا۔
