میکسیکو: (روزنامہ دنیا) میکسیکو کے چڑیا گھر میں شرارتی پانڈے کی 29 ویں سالگرہ دھوم دھام سے منائی گئی۔ پانڈے کو کیک پیش کیا گیا اور ڈریگن ڈانس پرفارمنس کا اہتمام بھی ہوا۔
میڈیا رپورٹ کے مطابق پانڈے کی 29 ویں سالگرہ کے موقع پر چڑیا گھر کی انتظامیہ کی جانب سے نہ صرف چڑیا گھر کو خوبصورتی سے سجایا گیا بلکہ پانڈے کیلئے خصوصی کیک پیش کیا گیا۔
اپنی سالگرہ کے موقع پر برتھ ڈے کیک سے لطف اندوز ہوتے اور شرارتیں کرتے پانڈے کی دلچسپ حرکتوں نے دیکھنے والوں کو خوب محظوظ کیا۔ اس موقع پر ڈریگن ڈانس پرفارمنس کا بھی اہتمام کیا گیا۔
