لاہور: (روزنامہ دنیا) اندھیرے میں وہیل آواز کی موجیں پیدا کر کے اور باز گشت سن کر اپنی خوراک بھی تلاش کرتی ہیں۔
میڈیا رپورٹ کے مطابق سائنسدانوں کا خیال ہے کہ وہیل آواز کے ذریعے اپنے آس پاس کے ماحول کا سہ جہتی خاکہ جان لیتی ہیں جس سے انہیں خوراک اور راستے کی تلاش میں آسانی ہوتی ہے۔ وہیل کا شمار ممالیہ جانوروں میں کیا جاتا ہے، اس کی کئی اقسام ہیں جن میں سے بلیو وہیل معدومی کے خطرے سے دوچار ہے، چند سال قبل بلیو وہیل پاکستان میں بھی دیکھی گئی۔
ماہرین کا کہنا ہے کہ آبدوزوں کے سفر کے لئے وہی تکنیک استعمال کی جاتی ہے جو چمگادڑ یا وہیل مچھلیاں گھپ اندھیرے میں سفر کے لئے استعمال کرتی ہیں تاہم آبدوزوں میں جدید سائنسی آلات کا استعمال کرکے انہیں مزید صلاحیتوں کا حامل بنا دیا جاتا ہے اور اس میں گولہ بارود بھی رکھا جا سکتا ہے۔
