نیو یارک: (ویب ڈیسک) امریکا سے ایک حیران کن خبر نے سب کو ورطہ حیرت میں ڈال دیا ہے جہاں پر 6 ماہ سے لاپتا 47 سالہ خاتون کو ایک پہاڑی علاقے سے برآمد کرلیا گیا جہاں وہ صرف گھاس، کائی اور پانی پر گزارا کرکے زندہ تھیں۔
امریکی ریاست یوٹاہ میں ایک حیران کن واقعہ پیش آیا جب ایک لاپتا خاتون کو 6 ماہ بعد اتفاقیہ طور پر ڈھونڈا گیا۔
میڈیا رپورٹس کے مطابق 25 نومبر کو خاتون کی گاڑی جنگلات میں خدمات انجام دینے والے ملازمین کو ملی جس کے بعد انہیں ڈھونڈنے کا سلسلہ شروع کیا گیا، کئی دن تک ان کی تلاش جاری رہی لیکن کامیابی نہ مل سکی۔
کئی سراغ رساں اور آفیشل ریسکیو کے افراد انہیں ڈھونڈتے رہے لیکن ناکامی پر کچھ دن بعد تلاش کا عمل روک دیا گیا۔
تاہم کچھ روز قبل خاتون کا سراغ لگانے کے لیے دوبارہ کوشش کی گئی تو اس دوران علاقے میں ایک تباہ شدہ ڈرون ملا۔ سارجنٹ اور ڈرون کا پائلٹ جب ٹینٹ کے نزدیک پہنچے تو دیکھا کہ خاتون نے وہاں رہائش اختیار کر رکھی ہے۔
A 47 year old woman missing in Diamond Fork Canyon since November 2020 was found alive yesterday. While she was missing to us, @UCSO_SAR officials believe she was there by choice. https://t.co/qXk5m9NUlz pic.twitter.com/zeDryEdAhy
— Utah County Sheriff (@UCSO) May 4, 2021
خاتون اس ویران علاقے میں ایک ٹینٹ کے اندر محض گھاس اور کائی کھا کر زندگی گزار رہی تھیں جب کہ کچھ دور دریا سے پانی پیتی تھیں۔
پولیس کا اس حوالے سے کہنا ہے کہ خاتون کو ہسپتال منتقل کر دیا گیا ہے، اندیشہ ظاہر کیا جا رہا ہے کہ انہیں دماغی صحت کے حوالے سے بھی کچھ مسائل درپیش ہیں۔
