خرطوم: (ویب ڈیسک) چڑیا گھر میں شیر کے گھاس کھانے کی ویڈیو وائرل ہونے لگی۔
سوڈان کے دارالحکومت خرطوم کے چڑیا گھر میں گھاس کھاتے ہوئے ایک شیر کی ویڈیو سوشل میڈیا پر سامنے آئی ہے۔
چڑیا گھر کی انتظامیہ کا کہنا تھا کہ ویڈیو فوٹو شاپ نہیں ہے تاہم حیران ہونے کی ضرورت نہیں، کیوں کہ شیر بھی کبھی کبھار گھاس پھوس کھاتے ہیں۔
فيديو عجيب.. أسد يأكل الحشائش بحظيرة حيوان في الخرطوم https://t.co/O2cnUC8iKj pic.twitter.com/W1Uaxf5JMk
— مزمز فيديو (@mzmzvideo) January 25, 2023
عام طور پر یہی سمجھا جاتا ہے کہ جنگل کا بادشاہ کبھی گھاس نہیں کھاتا اور صرف شکار کا گوشت ہی کھاتا ہے، حقیقت بھی یہی ہے کہ شیروں کی بنیادی غذا گوشت ہے تاہم وٹامنز اور معدنیات کی کمی پوری کرنے کے لیے گھاس بھی کھا لیتے ہیں۔
چڑیا گھر انتظامیہ نے فیس بک پر پوسٹ میں لکھا کہ یہ درست ہے کہ گھاس شیروں کی حقیقی غذا نہیں تاہم ہاضمے کی خرابی کی وجہ سے شیر گھاس پھوس بھی کھا لیتے ہیں، اس سے گوشت ہضم کرنے میں مدد ملتی ہے۔
