پونا: (ویب ڈیسک) بھارتی کسان صرف 2 ماہ قبل ٹماٹر کی گرتی ہوئی قیمت سے پریشان ہو کر ان کی بڑی مقدار ضائع کرنا چاہتے تھے لیکن اب وہ اسی ٹماٹر کی بدولت کروڑ پتی بن چکے ہیں۔
پونا کے 36 سالہ ایشور گیکر نے صرف 2 ماہ قبل ٹماٹروں کی اتنہائی کم قیمت پر دلبرداشتہ تھے اور انہوں نے سارے ٹماٹر ضائع کرنے کا ارادہ کر رکھا تھا، تاہم انہوں نے اپنے 12 ایکڑ وسیع کھیت پر کام جاری رکھا اور ٹماٹر اتارتے رہے۔
اس دوران اچانک ٹماٹروں کی قیمت آسمانوں کو چھونے لگی اور وہ اب تک 3 کروڑ روپے سے زائد کی رقم کما چکے ہیں، یہ فصل انہوں نے 11 تا 18 جولائی کو اتاری تھی۔
دوسری جانب حکومت نے ٹماٹرکی قیمتیں معمول پر لانے کے لئے بھی اہم اقدامات کئے ہیں۔
