ممبئی: (ویب ڈیسک) سالگرہ کے موقع پر کیک کی جگہ پپیتا کاٹنے کی وائرل ویڈیو لوگوں کی توجہ کا مرکز بن گئی۔
سوشل میڈیا پر بھارتی شہری کی جانب سے اپنی سالگرہ کے موقع پر روایتی کیک کو ترک کر کے پپیتا کاٹنے کی ویڈیو وائرل ہوئی ہے۔
میڈیا رپورٹس کے مطابق سوشل میڈیا پر گردش کرنے والی ویڈیو میں دیکھا جا سکتا ہے کہ ایک شخص اپنی سالگرہ کے موقع پر پپیتا کاٹ رہا ہے۔
ویڈیو میں یہ بھی دیکھا جا سکتا ہے کہ سالگرہ کیلئے گھر میں سجاوٹ کی گئی ہے جس میں بینرز اور غبارے بھی نظر آ رہے ہیں لیکن اس موقع پر پپیتا کاٹنا غیر معمولی ہے۔
مذکورہ ویڈیو کو 4 ملین سے زیادہ ویوز مل چکے ہیں، بہت سے سوشل میڈیا صارفین نے ویڈیو پر اپنے دلچسپ تبصرے کئے گئے ہیں۔
ایک صارف نے لکھا کہ یہ غیر صحت بخش کیک سے بہت بہتر اور لاجواب ہے جبکہ ایک کا کہنا تھا کہ یہ دراصل بہت صحت مند ہے، میں بھی اپنی سالگرہ پر ایسا ہی کروں گا۔
ایک صارف نے کہا کہ اس کی جگہ تربوز ہوتا تو ٹھیک تھا۔
دوسری جانب کچھ صارفین نے اس پر منفی تبصرے بھی کئے، ایک صارف نے لکھا کہ اس شخص نے زندگی کے خاص موقع کو کامیابی سے برباد کر دیا، ایک اور صارف نے کہا کہ اگر مجھے ایسا کرنا پڑا تو میں اپنی سالگرہ کا جشن ہی نہیں مناؤں گا۔
