نئی دہلی:(دنیا نیوز) بھارت کے علاقے ویسٹ بنگال کےنرمل کمار سب سے کم اثاثے رکھنے والے رکن قومی اسمبلی قرار پائے گئے۔
بھارتی تنظیم ایسوسی ایشن فار ڈیموکریٹک ریفارمز (ADR) کی تازہ ترین رپورٹ کے مطابق حکومتی جماعت بی جے پی کے پراگ شاہ، جو ممبئی کے گھاٹ کوپر ایسٹ سے ایم ایل اے (رکن قومی اسمبلی) ہیں، 3400 کروڑ روپے کے اثاثوں کے ساتھ بھارت کے سب سے امیر ایم ایل اے قرار دیے گئے ہیں۔
ان کے بعد کانگریس کے ڈی کے شیوکمار ہیں، جو کرناٹک کے کاناکاپورا سے ایم ایل اے ہیں، جن کی دولت 1413 کروڑ روپے سے تجاوز کر چکی ہے۔
یہ رپورٹ ایم ایل ایز کے ذریعہ اپنے حالیہ انتخابات میں جمع کرائے گئے حلف ناموں کے تجزیے پر مبنی ہے، اس میں 28 ریاستی اسمبلیوں اور تین یونین ٹیریٹریز کے 4092 ایم ایل ایز کا ڈیٹا شامل کیا گیا جبکہ 24 ایم ایل ایز کے غیر واضح حلف نامے اور سات خالی نشستیں شامل نہیں کی گئیں۔
رپورٹ میں اہم انکشاف یہ ہوا ہے کہ سب سے کم اثاثے رکھنے والے ایم ایل اے ویسٹ بنگال کے انڈس سے بی جے پی کے ایم ایل اے نرمل کمار دھارا فہرست میں سب سے نیچے ہیں، جن کے اثاثے صرف 1700 روپے کے ہیں۔
