لاہور: (ویب ڈیسک) کمپنی کے ایک ملازم نے نوکری سے تنگ آ کر اپنا استعفیٰ ’ٹوائلٹ پیپر‘ پر دے دیا۔
سوشل میڈیا پر ایک پوسٹ وائرل ہو رہی ہے جس میں ملازم نے ’ٹوائلٹ پیپر‘ پر استعفیٰ دے دیا لیکن یہ جاننے کیلئے بے چین ہیں کہ اس کے کاغذ پر استعفیٰ کیوں لکھا۔
ملازم نے پوسٹ میں لکھا کہ ’میں نے اپنے استعفے کیلئے اس قسم کے کاغذ کا انتخاب کیا جو اس بات کی علامت ہے کہ کمپنی نے میرے ساتھ کیا سلوک کیا۔
کمپنی ملازم نے لکھا کہ میں نے خود کو ٹوائلٹ پیپر کی طرح محسوس کیا کہ جب ضرورت ہوئی استعمال کیا پھر بغیر سوچے سمجھے رد کر دیا، برائے کرم ہمیشہ اپنے ملازمین کے ساتھ اچھا سلوک کریں۔
ایک صارف نے لکھا کہ ’یہ ایمانداری سے استعفیٰ دینے کا ایک بہترین طریقہ ہے، اس وقت دنیا جس طرح کام کر رہی ہے استعفیٰ دینے کا یہی واحد طریقہ ہے۔‘
دوسرے صارف نے لکھا کہ اس شخص نے اچھا لکھا جس سے پتا چلتا ہے کہ کمپنی نے اس کے ساتھ برا سلوک کیا ہے۔‘
ایک اور صارف کا کہنا تھا کہ ’بالکل اسی طرح میں بھی استعفیٰ دینے جا رہا ہوں، میرے باس کی وجہ سے ٹیم ٹوٹ رہی ہے اور ہم سب بڑے پیمانے پر استعفیٰ دینے کا سوچ رہے ہیں۔‘
