ہونان: (ویب) چین کے صوبے ہونان میں ڈاکٹر نے 33 سالہ شہری کے پیٹ سے ایک فٹ لمبی زندہ بام مچھلی نکال لی۔
غیرملکی خبررساں ادارے کی رپورٹ کے مطابق شہری کی آنتوں کی دیوار کو چیر کر بام مچھلی اندر منتقل ہوگئی تھی، شہری شدید پیٹ کے درد کی شکایت لے کر ہسپتال پہنچا۔
ڈاکٹروں نے سی ٹی سکین کیا تو علم ہوا کہ ایک غیر معمولی محرک چیز آنتوں میں موجود ہے، ایمرجنسی لیپروسکوپک سرجری کے دوران ڈاکٹر زندہ مچھلی کو دیکھ کر حیران رہ گئے جو اس کے پیٹ میں تیر رہی تھی۔
ماہرین کے مطابق یہ مچھلی سیدھی یا غلطی سے انسان کے مقعد کے راستے داخل ہوئی ہوگی جہاں سے یہ آنتوں کے ذریعے پیٹ کے اندر گئی۔
یہ حالت پیٹ کی جھلی کی سوزش کی شکل اختیار کر سکتی تھی، مگر بروقت آپریشن سے مریض بچ گیا اور صحت یاب ہے۔
یاد رہے کہ گزشتہ برس ویتنام میں بھی ایسے ہی واقعے کی اطلاع ملی تھی۔
