غزہ: (دنیا نیوز) اسرائیلی فوج نے غزہ کی پٹی میں دو فلسطینیوں کو گولی مار کر شہید کردیا، صیہونی فوج نے الزام لگایا ہے کہ دونوں اسرائیلی سرحد پار کرنے کی کوشش کر رہے تھے۔
فلسطینی حکام کے مطابق اسرائیلی فوج کی فائرنگ سے دو فلسطینی شہید ہوگئے ہیں، دونوں نوجوانوں کو غزہ کے علاقے خان یونس میں اسرائیلی سرحد کے قریب گولیوں کا نشانہ بنایا گیا۔ اس علاقے میں احتجاجی کیمپ بھی قائم ہے، جہاں گزشتہ چھ ہفتوں سے اسرائیلی مظالم کے خلاف احتجاج کا سلسلہ جاری ہے۔ تین مارچ سے اب تک اسرائیلی فوج کے ہاتھوں 44 فلسطینی شہید ہوچکے ہیں۔
