واشنگٹن: (دنیا نیوز) حملہ آور کی فائرنگ سے چار پولیس اہلکاروں سمیت چھ افرد زخمی ہو گئے۔ امریکی صدر اور میلانیا ٹرمپ نے واقع پر افسوس کا اظہار کیا ہے۔
امریکا میں ایک اور بندوق بردارنے کئی لوگوں کی جانیں لے لی، پنسلوانیا کے شہر پٹسبرگ میں یہودی عبادت گاہ کے اندر مسلح شخص نے فائر کھول دیا۔
پولیس آئی تو حملہ آور نے پولیس کو بھی نشانے پر لیا۔ فائرنگ کی زد میں آکر چار پولیس اہلکار زخمی ہوگئے تاہم پولیس ملزم کو زندہ گرفتار کرنے میں کامیاب رہی۔
حملہ آور کی شناخت رابرٹ باورزRobert Bowers کے نام سے ہوئی ہے۔ امریکی صدر ٹرمپ اورانکی اہلیہ میلانیا ٹرمپ نے واقع پر افسوس کا اظہا ر کیا ہے۔
