واشنگٹن: (دنیا نیوز) امریکا میں وسط مدتی انتخابات سے پہلے صدر ڈونلڈ ٹرمپ نے میسوری میں ریلی سے خطاب کیا۔ اس دوران ایک معمر خاتون بے ہوش ہوئی توڈونلڈ ٹرمپ نے تقریر روک کر ڈاکٹرز سے طبی امداد فراہم کرنے کی درخواست کی۔
امریکا میں وسط مدتی انتخابات سے پہلے ڈونلڈ ٹرمپ نے اوہائیو،انڈیانا اور میسوری کا دورہ کیا۔ ریاست میسوری میں امریکی صدر نے فائنل ریلی سے خطاب کیا جس کے دوران مجمعے میں موجود ایک معمر خاتون بے ہوش ہوگئی تو ٹرمپ نے اپنی تقریر روک دی اور ڈاکٹروں سے خاتون کو طبی امداد فراہم کرنے کی اپیل کی۔ صدر کی جانب سے تقریر روکنے پر وہاں موجود لوگوں نےنعرے لگا کر ٹرمپ کا شکریہ ادا کیا۔
