سٹاک ہوم: (دنیا نیوز) سویڈن کی نائب وزیراعظم نے مقبوضہ کشمیر کی خصوصی حیثیت ختم کرنے کے اقدام پر تنقید کرتے ہوئے کہا ہے کہ یہ فیصلہ کشمیری عوام کی امنگوں کے مطابق ہونا چاہیے۔
کشمیر کی بگڑتی صورتحال پر سویڈن کی نائب وزیراعظم اور وزیر خارجہ مارگوٹ وال سٹروم نے سماجی رابطوں کی ویب سائٹ ٹویٹر پر جاری بیان میں کہا ہے کہ ان کا ملک مقبوضہ کشمیر کی موجودہ صورتحال کا بغور جائزہ لے رہا ہے۔
مارگوٹ وال سٹروم نے لکھا کہ کشمیر کے مستقبل کا جو بھی فیصلہ ہو، وہ کشمیری عوام کی امنگوں کے مطابق ہونا چاہیے۔
Closely following serious developments in Kashmir. The population of Kashmir must be included in decisions concerning its future.
— Margot Wallström (@margotwallstrom) August 10, 2019
حال ہی میں برطانوی اپوزیشن لیڈر جیریمی کوربن نے اپنی ٹویٹ میں بھارتی اقدام کو تکلید دہ قرار دیتے ہوئے ٹویٹ میں لکھا کہ مقبوضہ کشمیر میں انسانی حقوق کی پامالی ناقابل قبول ہے۔
ان کا کہنا تھا کہ کشمیریوں کے حق کا احترام ضروری ہے۔ کشمیر سے متعلق اقوام متحدہ کی قراردادوں کو نافذ کیا جائے۔
