نائیجر: (دنیا نیوز) افریقی ملک چاڈ کے صدر ادریس دیبی زخموں کی تاب نہ لاتے ہوئے انتقال کرگئے، وہ باغیوں سےلڑنے والے فوجیوں سے ملاقات کے لئے فرنٹ لائن کے دورے پر گئے تھے۔
چاڈ کی فوج کے ترجمان کی جانب سے جاری کردہ بیان میں کہا گیا کہ صدر فرنٹ لائن کے دورے کے دوران حملے میں زخمی ہوئے تھے جو بعد میں زخموں کی تاب نہ لاتے ہوئے فوت ہوگئے۔
ادریس دیبی نے پیر کو چھٹی بار چاڈ کے صدر کے طور پر حلف اٹھایا تھا، آنجہانی صدر کے بیٹے جنرل مہامت کاکا کو ملک کا عبوری سربراہ نامزد کردیا گیا۔
