کابل:(دنیا نیوز) افغانستان کے دارالحکومت کابل میں نائب وزیر اطلاعات ذبیح اللہ مجاہد کی والدہ کی رسم قل کی تقریب میں بم دھماکے سے کئی افراد مارے گئے۔
افغانستان میں طالبان کی حکومت کے ترجمان ذبیح اللہ مجاہد نے سماجی رابطے کی ویب سائٹ ٹوئٹر پر کہا کہ کابل میں دھماکہ عیدگاہ کے داخلی دروازے کے قریب ہوا جس میں کئی افراد مارے گئے ہیں۔
— Zabihullah (..ذبـــــیح الله م ) (@Zabehulah_M33) October 3, 2021
غیر ملکی میڈیا رپورٹس کے مطابق بم دھماکے میں کابل کی عید گاہ مسجدکو اس وقت نشانہ بنایا گیا جب وہاں پر ذبیح اللہ مجاہد کی والدہ کی رسم قل ہورہی تھی جبکہ بم دھماکے کے نتیجے میں متعدد شہری جان سے چلے گئے ۔
کابل میں اطالوی فنڈ سے چلنے والے ہسپتال ایمرجنسی این جی او کے مطابق اس دھماکے میں چار افراد زخمی ہوئے ہیں۔
