واشنگٹن: (دنیا نیوز) امریکی صدر بائیڈن جی 20 سمٹ میں شرکت کیلئے اٹلی پہنچ گئے، وہ آج ویٹی کن سٹی میں پوپ فرانسس سے ملاقات کریں گے۔
صدر جوبائیڈن خاتون اول جل بائیڈن کے ہمراہ اٹلی کے دارالحکومت روم پہنچے جہاں جی ٹونٹی ممالک کا 2 روزہ اجلاس کل سے شروع ہو گا، امریکی صدر کی آج ویٹی کن سٹی میں پوپ فرانسس سے ملاقات طے ہے۔
امریکی صدر اقوام متحدہ کی ماحول سے متعلق گلاسگو کانفرنس میں بھی شرکت کریں گے، ماحول سے متعلق کانفرنس اسکاٹ لینڈ کےشہر گلاسگو میں 31اکتوبر سے شروع ہوگی۔
