مکہ مکرمہ: (ویب ڈیسک) سعودی وزارت حج وعمرہ نے کہا ہے کہ رواں سال ہجری کے آغاز سے اب تک 176 ممالک کے لیے 20 لاکھ سے زائد عمرہ ویزے جاری کیے جا چکے ہیں۔
عرب میڈیا سے گفتگو کرتے ہوئے حج وعمرہ اورزیارت قومی کمیٹی کے رکن ہائی العمیری نے بتایا کہ 150 کے قریب عمرہ کمپنیوں کی جانب سے زائرین کومکہ آمد سے واپس روانگی تک معیاری خدمات فراہم کی جارہی ہیں۔
انہوں نے کہا کہ رواں برس اب تک سب سے زیادہ عمرہ پرآنے والے کا تعلق انڈونیشیا، عراق، ترکیہ، پاکستان، ملائیشیا، بھارت اور آذر بائیجان سے ہے، آئندہ ایا م میں دیگر ممالک سے عمرہ زائرین بڑی تعداد میں مملکت پہنچیں گے، سال رواں کی پہلی سہ ماہی کے دوران مسجد نبوی میں 40 ملین سے زیادہ زائرین آئے، انتظامیہ نے زائرین کے لیے مصنوعی ذہانت سے آراستہ جدید ترین مشینوں اوراعلی درجے کی سہولتوں کا اہتمام کیا۔
دریں اثنا حرمین شریفین کی انتظامیہ نے کہا ہے کہ رواں سال ہجری کی پہلی سہ ماہی کی دوران 30 ملین سے زائد زائرین نے مسجد نبوی میں حاضری دی انہیں ہرطرح کی سہولیتں فراہم کی گئی ہیں۔
