فلوریڈا : (ویب ڈیسک ) امریکی ریاست فلوریڈا میں سنگل انجن طیارہ ہالی وڈ شاپنگ سینٹر کے قریب گر کر تباہ ہوگیا۔
غیر ملکی خبر رساں ادارے کے مطابق یہ واقعہ جنوبی فلوریڈا کے علاقے پیمبروک پائنز میں پیش آیا جہاں سنگل انجن طیارہ ہالی وڈ شاپنگ سینٹر کے قریب گر کر تباہ ہوگیا۔
ائیرپورٹ انتظامیہ کے مطابق طیارے نے قریب میں ہی قائم ائیر پورٹ سے اڑان بھری تھی۔
انتظامیہ کا کہنا ہے کہ حادثے کے نتیجے میں ایک پائلٹ ہلاک ہوگیا تاہم طیارہ گرنے کے باعث کسی شہری کا جانی نقصان نہیں ہوا ۔
پولیس کا کہنا تھا کہ طیارے کے زمین پر گرنے سے آگ بھڑک اٹھی جس کے بعد اطلاع ملتے ہی فائر فائٹر ز کا عملہ جائے وقوعہ پر پہنچ گیا، جائے وقوعہ سے طیارہ کا ملبہ ہٹا دیا گیا ہے ۔
پولیس کی جانب سے طیارہ گرنے کی وجوہات جاننے کی کوششیں کی جارہی ہیں ۔
