دہلی: (ویب ڈیسک) گھر کا بھیدی لنکا ڈھائے، مغربی بنگال کی وزیر اعلیٰ ممتا بینر جی نے مودی کے جعلی پلوامہ ڈرامے کا راز بے نقاب کر دیا۔
ممتا بینر جی کا کہنا ہے کہ مودی نے انتخابات جیتنے کیلئے پلوامہ ڈرامہ رچایا، پلوامہ ڈرامہ جعلی اور اسکرپٹڈ تھا، پلاننگ سے 40 جوانوں کا خون بہا کر الیکشن چوری کیا گیا، مودی ایک بار پھرپلوامہ ڈرامہ رچا کرانتخابات پر اثر انداز ہوسکتا ہے۔
مغربی بنگال کی وزیراعلیٰ کے انکشافات نے گودی میڈیا کو آگ لگا دی، مودی نواز گودی میڈیا نے ممتا بینر جی کو غدار قراردے دیا، ماضی میں کانگریس رہنما ادت راج نے بھی پلوامہ ڈرامے کو جعلی اور خود ساختہ قرار دیا تھا۔
رواں سال 14 اپریل کو مقبوضہ کشمیر کے سابق گورنر ستیا پال ملک نے بھی انکشاف کیا کہ مودی اور امت شاہ نے انہیں پلوامہ حملے پر خاموش رہنے کا حکم دیا تھا۔
ستیاپال کا کہنا تھا کہ مودی پلوامہ حملے کو پاکستان پر تھوپ کر الیکشن میں ووٹ لینا چاہتا تھا، پلوامہ ڈرامے کے بعد مودی سرکار نے جعلی سرجیکل اسٹرائیک کا ڈرامہ رچایا تھا۔
جواب میں اگلے ہی روز پاکستان نے 2 بھارتی طیارے مار گرائے اور ونگ کمانڈر ابھینندن کو قیدی بنا لیا تھا۔
