لندن : (دنیانیوز) برطانیہ کے ویزا سسٹم میں بڑی تبدیلی ، برطانیہ نے بائیو میٹرک درخواست گزاروں کے لیے ویزا سٹیکر اور پاسپورٹس سٹمپ ختم کردیں۔
برطانوی ہائی کمیشن کے جاری اعلامیہ کے مطابق برطانیہ میں چھ ماہ سے زائد قیام کرنے والوں کو یو کے وی آئی آن لائن اکاؤنٹ بنانا ہو گا، آن لائن اکاؤنٹ میں امیگریشن اور ویزا کا ریکارڈ ہو گا ۔
اعلامیہ میں کہا گیا ہے کہ چھ ماہ سے کم قیام کرنے والوں کو یو کے وی آئی اکاؤنٹ بنانے کی ضرورت نہیں ہو گی ، برطانیہ جانے والے پاکستانیوں کے لیے سسٹم میں جدت لارہے ہیں ، نئی ٹیکنالوجی کا استعمال ویزا پراسس کو محفوظ اور پیپر لیس بنادے گا۔
