بیجنگ: (ویب ڈیسک) چین نے انتہائی کم ترقی یافتہ ممالک کی 100 فیصد مصنوعات کو زیرو ٹیرف ٹریٹمنٹ دینے کا اعلان کر دیا۔
چین کی ریاستی کونسل کے کسٹمز ٹیرف کمیشن کے ایک اعلان کے مطابق انتہائی کم ترقی یافتہ ممالک کے لئے چین کی جانب سے کھلے پن کو وسعت دینے اور مشترکہ ترقی کے حصول کی خاطر یکم دسمبر2024 سے چین کے ساتھ سفارتی تعلقات قائم کرنے والے انتہائی کم ترقی یافتہ ممالک کی 100 فیصد مصنوعات پر ترجیحی ٹیکس کی صفر شرح لاگو ہوگی۔
کسٹمز ٹیرف کمیشن کے مطابق ان میں سے ٹی آر کیو مصنوعات صرف کوٹہ کے اندر ٹیرف کی شرح کو صفر تک کم کیا گیا اور کوٹہ سے باہر ٹیرف کی شرح میں کوئی تبدیلی نہیں ہوگی۔
