واشنگٹن: (ویب ڈیسک) امریکی صدر جوبائیڈن نے کہا ہے کہ دو ریاستی حل پر اسرائیلی وزیراعظم کے مؤقف سے متفق نہیں ہوں۔
امریکی میڈیا سے گفتگو کرتے ہوئے صدر بائیڈن نے کہا کہ مشرق وسطیٰ میں وسیع جنگ ممکن ہے لیکن ایک موقع بھی ہے، ایک تصفیہ کرنے کے لیے ہم ابھی کھیل میں موجود ہیں۔
صدر بائیڈن نے کہا کہ دو ریاستی حل پر اسرائیلی وزیراعظم کے مؤقف سے متفق نہیں ہوں۔
انہوں نے کہا کہ دو ریاستی حل کی ضرورت ہے اور یہ ہونے کی ضرورت بھی ہے، حزب اللہ اور غزہ سے جنگ بندی ہوجائے پھر توجہ مغربی کنارے کی طرف ہو سکتی ہے۔
بائیڈن نے کہا کہ ایک تصفیہ کرنے کے لیے ہم ابھی کھیل میں موجود ہیں، ایک ایسا تصفیہ جو پورے خطے کو بنیادی طور پر بدل سکتا ہے، یہ ممکن ہے اور اس کے لیے اپنی تمام توانائیاں استعمال کر رہا ہوں، ہمیں تبدیلی دیکھنے کی خواہش ہے۔
