ماسکو: (ویب ڈیسک) روس کی وزارت خارجہ نے واضح کیا ہے کہ برکس تنظیم نہ تو کبھی فوجی اتحاد تھا، نہ اب ہے اور نہ ہی کبھی فوجی اتحاد بنے گا۔
روسی وزارت خارجہ کے مطابق برکس اتحاد کے اہم ترین مقاصد میں سے ایک شفاف اور کثیرالجہتی عالمی اقتصادی نظام بنانا ہے، برکس انٹرنیشنل تنظیم بھی نہیں ہے اور نہ ہی یہ انضمام کرنے والا اسٹرکچر ہے۔
حکام کے مطابق برکس بین الریاستی تنظیم ہے جس کے تمام شرکاء مساوی حیثیت رکھتے ہیں اور اسٹریٹیجک پارٹنر ہیں، اس کی بنیاد جن ستونوں پر ہے وہ سیاست، سکیورٹی، معیشت، فنانس، کلچر اور ہیومینیٹرین تعلقات ہیں، برکس کا نیٹو سے موازنہ کیا جانا درست نہیں۔
یاد رہے کہ 2006ء میں قائم ہونے والی برکس برازیل، روس، انڈیا، چین اور ساؤتھ افریقا پر مشتمل ہے، مصر، ایتھیوپیا ایران، امارات اور سعودی عرب بھی اس کے رکن ہیں۔
