تہران: (ویب ڈیسک) ایران نے کہا ہے کہ اس نے کبھی جوہری ہتھیار حاصل کرنے کی کوشش نہیں کی ،تاہم وہ اپنے جوہری پروگرام کا پوری طاقت سے دفاع کرے گا۔
مقامی میڈیا کے مطابق ایران کے سپریم لیڈر آیت اللہ علی خامنہ ای کے سیاسی مشیر علی شمخانی کا کہنا ہے کہ ایران نے کبھی جوہری ہتھیار حاصل کرنے کی کوشش نہیں کی اور نہ کبھی کرے گا، تاہم وہ اپنے قانونی حقوق کا پوری طاقت سے دفاع کرے گا خواہ وہ سیاسی ہوں یا تکنیکی۔
انہوں نے جوہری ٹیکنالوجی کی ترقی کی اہمیت پر زور دیتے ہوئے کہاکہ اس شعبے میں ایران کی سائنسی خود مختاری بعض بڑی قوتوں کے لئے تشویش کا باعث بن گئی جو اس سائنسی اور فنی پیش رفت کو مقید کرنے کے لئے کوشاں ہیں۔
