واشنگٹن: (دنیا نیوز) امریکا نے اسرائیل کو 7 ارب ڈالر کے اسلحے کی فروخت کا اعلان کردیا۔
امریکی میڈیا کے مطابق محکمہ خارجہ نے کانگریس کے جائزے کے بغیر اسرائیل کو اسلحہ کی فروخت کا اعلان کیا، اسرائیل کو فروخت کیے جانیوالے اسلحہ میں ہزاروں ہیل فائر میزائل اور بم شامل ہیں۔
میڈیا رپورٹس میں مزید بتایا گیا ہے کہ اسلحہ کی فروخت کا اعلان اسرائیلی وزیراعظم بینجمن نیتن یاہو کی امریکی صدر ٹرمپ اور دیگر حکام سے ملاقات کے بعد کیا گیا۔
واضح رہے کہ اس سے قبل بائیڈن انتظامیہ نے اسرائیل کو 20 ارب ڈالر کے اسلحے کی فروخت کی منظوری دی تھی۔
