غزہ: (دنیا نیوز) غزہ جنگ بندی معاہدے کے تحت حماس نے مزید 3 اسرائیلی یرغمالیوں کو رہا کردیا۔
غیر ملکی میڈیا رپورٹس کے مطابق حماس کی جانب سے غزہ کے وسطی علاقے دیر البلاح میں ایک مقام سے ایلی شرابی، اور لیوی اور اوہاد ببن امی نامی اسرائیلی قیدیوں کو رہا کیا گیا۔
رپورٹس کے مطابق یرغمالیوں کو انٹرنیشنل کمیٹی آف ریڈ کراس کے ارکان نے اپنی تحویل میں لے لیا، اس موقع پر حماس نے اسرائیلی یرغمالیوں کی رہائی کے سلسلے میں ایک سٹیج بنایا جہاں مزاحمتی تنظیم حماس کے جنگجو بڑی تعداد میں موجود تھے۔
معاہدے کے مطابق اسرائیل 3 یرغمالیوں کی رہائی کے بدلے میں آج 183 فلسطینیوں کو رہا کرے گا۔
دوسری جانب حماس کے ترجمان ابوعبیدہ نے کہا کہ اسرائیل غزہ میں آنے والی امداد کونشانہ بنارہا ہے جو معاہدے کی خلاف ورزی ہے۔
