ڈھاکا: (دنیا نیوز) سابق معزول وزیراعظم حسینہ واجد کے حامیوں کی جانب سے طلبہ پر حملے، بنگلہ دیش حکومت نے حسینہ کے حامیوں کیخلاف "آپریشن ڈیول ہنٹ" کا آغاز کر دیا۔
غیر ملکی میڈیا کے مطابق آپریشن کے دوران ملک کے مختلف حصوں سے 1308 سیاسی کارکنوں کو گرفتار کیا گیا ہے۔
بنگلہ دیشی وزیر داخلہ جہانگیر عالم نے کہا کہ طلبہ پر حملوں کے ذمہ داروں کو گرفتار کرکے سزا کا انتخاب کیا جائے گا، آپریشن تمام شیطانوں کے جڑ سے خاتمے تک جاری رہے گا۔
غیر ملکی میڈیا کے مطابق گزشتہ دنوں حسینہ واجد کی سوشل میڈیا پر وائرل تقریر کے بعد ملک کے حالات کشیدہ ہوئے، حسینہ واجد نے تقریر میں اپنے حامیوں کو عبوری حکومت کے خلاف کھڑے ہونے کا کہا۔
