کابل: (ویب ڈیسک) افغانستان کے صوبہ فراہ کے ضلع پشتکوہ میں گاڑی دھماکہ خیز مواد سے ٹکرا گئی جس کے نتیجے میں 3 افراد جاں بحق اور 2 زخمی ہو گئے۔
عالمی میڈیا کی رپورٹ کے مطابق نائب ضلعی سربراہ مولوی مسروری نے بتایا کہ یہ واقعہ گزشتہ شام کو پیش آیا، انہوں نے کہا کہ دھماکہ خیز مواد جو ماضی کی جنگوں سے بچا ہوا تھا جو گاڑی کی ٹکر سے پھٹ گیا جس کے نتیجے میں 3 افراد موقع پر ہی جاں بحق اور2 زخمی ہو گئے۔
واقعہ کی اطلاع پر امدادی ٹیمیں فوری طور پر موقع پر پہنچ گئیں، زخمیوں کو ہسپتال منتقل کر دیا گیا جن کی حالت تشویشناک بتائی گئی ہے۔
