ریاض: (ویب ڈیسک) سعودی عرب نے مزید 34 طبی امدادی قافلے غزہ روانہ کردیئے، یہ قافلے شاہ سلمان ریلیف سینٹر کے تحت جنوبی غزہ میں ہسپتالوں اور صحت مراکز کو امداد فراہم کرنے کی مہم کا حصہ ہیں۔
مقامی میڈیا کی رپورٹ کے مطابق سعودی سینٹر فار کلچر اینڈ ہیریٹج جو شاہ سلمان مرکز کا ایگزیکٹیو پارٹنر ہے متعلقہ حکام کے ساتھ مل کر امداد کی تقسیم کی تیاری کر رہا ہے، موجودہ بحران کے باعث غزہ کے ہسپتالوں میں طبی آلات، ادویات اور دیگر ضروری اشیاء کی شدید کمی کا سامنا ہے۔
سعودی عرب نے ہمیشہ انسانی ہمدردی کے تحت فلسطینی عوام کا ساتھ دیا ہے اور مختلف بحرانوں میں امداد فراہم کی ہے۔
