ماسکو: (دنیا نیوز) روس اور یوکرین کے درمیان قیدیوں کا تبادلہ، دونوں ممالک کے درمیان 175 فوجی اہلکار قیدیوں کا تبادلہ ہوا۔
خبر ایجنسی کے مطابق دونوں ممالک نے جنگی قیدیوں کو رہا کر دیا، قید سے رہائی پانے والے روسی فوجی بیلاروس پہنچے ہیں۔
روسی وزارت دفاع کے مطابق روسی اہلکاروں کو علاج کیلئے روسی فیڈریشن منتقل کیا جائے گا، یو اے ای نے قیدیوں کی رہائی کے لیے ثالثی کی کوششیں فراہم کیں۔
جذبہ خیر سگالی کے طور پر روس نے 22 شدید زخمی جنگی قیدیوں کو بھی یوکرین کےحوالے کیا، گزشتہ روز پیوٹن اور ٹرمپ کے درمیان ٹیلیفونک رابطہ میں 175 قیدیوں کی رہائی پر اتفاق ہوا۔
